ಅವ್ಯಯಗಳು (Avyaya)
ಲಿಂಗ, ವಚನ, ವಿಭಕ್ತಿಗಳಿಂದ ರೂಪಾಂತರ ಹೊಂದದೆ ಏಕರೂಪವಾಗಿರುವ ಶಬ್ದಗಳು
ನಾಮ ಪ್ರಕೃತಿ ಮತ್ತು ಕ್ರಿಯಾ ಪ್ರಕೃತಿಗಳಂತೆ ಲಿಂಗ, ವಚನ, ಕಾಲಕ್ಕನುಗುಣವಾಗಿ ಯಾವ ರೂಪ ಬದಲಾವಣೆಯನ್ನು ಹೊಂದದೆ, ಯಾವಾಗಲೂ ಏಕರೂಪವಾಗಿರುವ ಶಬ್ದಗಳನ್ನೇ ಅವ್ಯಯಗಳು ಎನ್ನುತ್ತಾರೆ.
ಅವ್ಯಯಗಳ ಪ್ರಕಾರಗಳು
1. ಸಾಮಾನ್ಯ ಅವ್ಯಯಗಳು
ಯಾವುದಾದರೊಂದು ಕ್ರಿಯೆ ನಡೆದ ರೀತಿಯನ್ನು ಕ್ರಿಯಾ ವಿಶೇಷಣಗಳಾಗಿ ತಿಳಿಸುವ ಅವ್ಯಯಗಳು.
ಉದಾಹರಣೆ: ಸುಮ್ಮನೆ, ಬೇಗನೆ, ತಟ್ಟನೆ, ಚೆನ್ನಾಗಿ, ನೆಟ್ಟಗೆ.2. ಅನುಕರಣ ಅವ್ಯಯಗಳು
ಅರ್ಥವಿಲ್ಲದ ಧ್ವನಿ ವಿಶೇಷಗಳನ್ನು ಮತ್ತೆ ಮತ್ತೆ ಅನುಕರಿಸಿ ಹೇಳುವುದು.
ಉದಾಹರಣೆ: ರಪ ರಪ, ಗುಡುಗುಡು, ಸರ ಸರ, ಚುರು ಚುರು, ಘಮ ಘಮ.3. ಕ್ರಿಯಾರ್ಥಕ ಅವ್ಯಯಗಳು
ಕ್ರಿಯಾಪದದ ಸ್ಥಾನದಲ್ಲಿದ್ದು ಕ್ರಿಯೆಯ ಅರ್ಥವನ್ನು ಪೂರ್ಣಗೊಳಿಸುವ ಅವ್ಯಯಗಳು.
ಉದಾಹರಣೆ: ಹೌದು, ಇಲ್ಲ, ಬೇಡ, ಸಾಕು, ಉಂಟು.4. ಭಾವಸೂಚಕ ಅವ್ಯಯಗಳು
ಮನಸ್ಸಿನ ಹರ್ಷ, ಸಂಭ್ರಮ, ಗಾಬರಿ, ತಿರಸ್ಕಾರ ಮುಂತಾದ ಭಾವನೆಗಳನ್ನು ಅಭಿವ್ಯಕ್ತಿಸುವ ಅರ್ಥವಿಲ್ಲದ ಪದಗಳು.
ಉದಾಹರಣೆ: ಅಹಾ!, ಅಬ್ಬಾ!, ಛೇ!, ಥೂ, ಭಲೇ!, ಶಬ್ಭಾಷ್.5. ಸಂಬಂಧ ಸೂಚಕ ಅವ್ಯಯಗಳು
ಎರಡು ಪದಗಳನ್ನು ಅಥವಾ ಎರಡು ವಾಕ್ಯಗಳನ್ನು ಜೋಡಿಸುವ ಶಬ್ದಗಳು.
ಉದಾಹರಣೆ: ಆದರೆ, ಮತ್ತು, ಹಾಗೂ, ಅಥವಾ, ಆದ್ದರಿಂದ.6. ಅವಧಾರಣಾರ್ಥಕ ಅವ್ಯಯಗಳು
ಒಂದು ನಿಶ್ಚಿತ ಭಾವವನ್ನು ಒತ್ತಿ ಹೇಳುವುದಕ್ಕಾಗಿ "ಏ" ಸ್ವರವನ್ನು ಪಡೆದುಕೊಂಡ ಪದಗಳು.
ಉದಾಹರಣೆ: ನೀವೇ, ರಾಮನೇ, ಕಾಯಕವೇ, ನನ್ನದೇ.ಇತರ ಪ್ರಕಾರಗಳು
- 7. ಕೃದಂತ ಅವ್ಯಯ: ಧಾತುಗಳಿಗೆ ಕೃತ್ ಪ್ರತ್ಯಯಗಳು ಸೇರಿದಾಗ ಸಿದ್ಧವಾಗುವ ಅವ್ಯಯಗಳು.
- 8. ತದ್ಧಿತಾಂತ ಅವ್ಯಯ: ನಾಮಪದಗಳಿಗೆ ತದ್ಧಿತ ಪ್ರತ್ಯಯಗಳು ಸೇರಿದಾಗ ಸಿದ್ಧವಾಗುವ ಅವ್ಯಯಗಳು.
